ჩვენ შესახებ

BBC Camp — BBC Holding-ის მიერ ორგანიზებული საერთაშორისო კულტურულ-საგანმანათლებლო და გასართობი ბანაკია, რომელიც 2014 წლიდან მასპინძლობს 7–17 წლის ბავშვებსა და მოზარდებს საქართველოდან და მსოფლიოს სხვადასხვა ქვეყნიდან.

BBC ბანაკის მონაწილეები თოვლის გუნდებს ესვრიან ერთმანეთს ლურჯი ცის ქვეშ

12-წლიანი გამოცდილებითა და ყოველწლიურად 450–600 მონაწილით, BBC Camp აერთიანებს ხარისხიან განათლებას, მრავალფეროვან გართობას, სპორტს, შემოქმედებასა და კულტურათაშორის ურთიერთობებს.

ჩვენი მისიაა, შევქმნათ უსაფრთხო, მზრუნველი და განვითარებაზე ორიენტირებული გარემო, სადაც ბავშვები არა მხოლოდ იძენენ ცოდნას, არამედ ავითარებენ დამოუკიდებლობას, თავდაჯერებულობას, გუნდური მუშაობისა და კომუნიკაციის უნარებს, აღმოაჩენენ საკუთარ შესაძლებლობებს და იძენენ ახალ მეგობრებს.

ინგლისური ენის პრაქტიკა, ინტერაქტიული სემინარები, სპორტული შეჯიბრებები, შემეცნებითი თამაშები, შემოქმედებითი აქტივობები და დაუვიწყარი თავგადასავლები — ეს BBC Camp-ის ყოველდღიურობის განუყოფელი ნაწილია.

BBC Camp ღიაა როგორც ქართველი, ისე უცხოელი მონაწილეებისთვის!

BBC ბანაკის მონაწილეები სათხილამურო სათვალეებით, მთების ფონზე

რატომ ირჩევენ მშობლები BBC Camp-ს?
2014წლიდან12-წლიანი გამოცდილება საბანაკე სფეროში.
450–600მონაწილე ყოველწლიურადმშობლების ნდობა და მრავალწლიანი გამოცდილება.
56 000-ზემეტი გამომწერი სოციალურ ქსელებში.
გამოცდილი და მუდმივი გუნდიპროფესიონალი პედაგოგები და ლიდერები.
კომფორტული სასტუმროხარისხიანი საცხოვრებელი პირობები.
ჯანსაღი, სამჯერადი კვებამრავალფეროვანი შვედური მაგიდა.
ინგლისურენოვანი პედაგოგებიენის ყოველდღიური პრაქტიკა.
უსაფრთხო და ორგანიზებული გარემობავშვებზე მუდმივი მეთვალყურეობა.
საერთაშორისო ურთიერთობებისხვადასხვა კულტურის წარმომადგენლებთან კომუნიკაცია.
მრავალფეროვანი პროგრამაგანათლება, სპორტი, შემოქმედება და გართობა.

ინგლისური ენის პროგრამა

ინგლისური — ცოცხალ კომუნიკაციაში!

მოსწავლეები ინგლისურ ენაზე წარადგენენ პრეზენტაციას სემინარზე

BBC Camp-ში ინგლისური მხოლოდ სასწავლო საგანი არ არის — ის კომუნიკაციის, იდეების გაზიარებისა და ახალი მეგობრების შეძენის შესაძლებლობაა.

მონაწილეები ნაწილდებიან ჯგუფებში ინგლისური ენის ცოდნის დონის მიხედვით, რაც თითოეულ ბავშვს საშუალებას აძლევს, აქტიურად ჩაერთოს სასწავლო პროცესში.

პროგრამა მოიცავს:

სასაუბრო ინგლისურსა და მოსმენის პრაქტიკას;
ინტერაქტიულ სემინარებს ინგლისურენოვან პედაგოგებთან;
პრეზენტაციებსა და საჯარო გამოსვლებს;
დისკუსიებსა და დებატებს;
გუნდურ პროექტებსა და ლოგიკურ გამოწვევებს;
შემეცნებით თამაშებსა და შემოქმედებით აქტივობებს.

ჩვენი მიზანია, ბავშვებმა განივითარონ ინგლისურად თავისუფალი კომუნიკაციის უნარები, დაძლიონ საუბრის ბარიერი და ისწავლონ სიამოვნებით.

სპორტი, შემოქმედება და გართობა

ყოველი დღე — ახალი თავგადასავალი!

BBC Camp-ში სწავლა და გართობა ერთმანეთს ავსებს.

ბავშვები მონაწილეობენ სპორტულ ტურნირებში, მხიარულ სტარტებში, გუნდურ შეჯიბრებებში, ინტელექტუალურ თამაშებში, შემოქმედებით ვორქშოპებში, მუსიკალურ საღამოებსა და ტალანტების შოუებში.

გვჯერა, რომ თამაში მხოლოდ გართობა არ არის — ეს არის შესაძლებლობა, ბავშვმა ისწავლოს თანამშრომლობა, გამოავლინოს ინიციატივა, განივითაროს ლიდერული უნარები და აღმოაჩინოს საკუთარი შესაძლებლობები.

გუნდური თამაში თოვლში ფერადი კვამლით, BBC ბანაკი

განთავსება და კვება

კომფორტი, ზრუნვა და უსაფრთხოება

BBC Camp ტარდება საქართველოს ერთ-ერთ გამორჩეულ სამთო კურორტზე — ბაკურიანში.

მონაწილეები განთავსდებიან კომფორტულ სასტუმროში, ასაკობრივი ჯგუფების გათვალისწინებით, და ბანაკის განმავლობაში იმყოფებიან გამოცდილი გუნდის მეთვალყურეობის ქვეშ.

უზრუნველყოფილია ჯანსაღი, დაბალანსებული, სამჯერადი კვება, შვედური მაგიდის პრინციპით.

BBC ბანაკის მონაწილეები საღამოს განათებულ ხიდზე, ბაკურიანი

საერთაშორისო მონაწილეები

ერთი ბანაკი. განსხვავებული კულტურები. საერთო თავგადასავალი.

BBC Camp მასპინძლობს როგორც ქართველ, ისე უცხოელ ბავშვებსა და მოზარდებს.

საერთაშორისო გარემო მონაწილეებს აძლევს შესაძლებლობას, გაიცნონ განსხვავებული კულტურები, გაიუმჯობესონ საკომუნიკაციო უნარები და შეიძინონ მეგობრები მსოფლიოს სხვადასხვა ქვეყნიდან.

თანამშრომლობისთვის ვიწვევთ მშობლებს, სკოლებს, საგანმანათლებლო ორგანიზაციებსა და საერთაშორისო პარტნიორებს.

უცხოელი მონაწილეების სამოგზაურო და სამედიცინო დაზღვევის უზრუნველყოფა ჩამოსვლამდე ეკისრებათ მშობლებს ან გამომგზავნ ორგანიზაციას.